Çfarë po ndodh rreth nesh > Shqipëria

Librazhd/ Xhaxhai dhunon nipin 4- vjeçar, e poston në Facebook: ‘E vara qenin’

"A e var dot? A ke nevojë për ndihmë?"

Një i mitur nga fshati Dragostun i Librazhdit dhunohet sistematikisht nga prindërit dhe xhaxhai i tij.

Bëhet fjalë për 4- vjeçarin B. M, të cilin kryesisht xhaxhai 29- vjeçar Fati Methasa e ndëshkon në mënyrë barbare për gabimet e bëra.

Ka qenë një i afërm i të miturit ai që ka bërë denoncimin në Gazetën Shqiptare. Denoncuesi ka qenë disa herë i pranishëm gjatë rasteve të dhunës, ndërkohë që i gjithë fshati thuhet se është në dijeni për dhunimin e vogëlushit, ku të qarat dhe të bërtiturat e tij dëgjohen kudo.

Sipas fjalëve, xhaxhai është duke kaluar një fazë depresive për shkak të divorcit. Personi në fjalë gëzon një adresë me profil të rremë në Facebook, ku ka postuar këtë foto.

Sipas tij, si për t’i dhënë një mësim të mirë, e ka varur në një degë peme ndërkohë që shkruan:

“Ja ç’bën babloku. Ato që bëjnë faj babloku i var, dënim me varje.”

Skandaloze është fakti se si dhunimin dhe poshtërimin publik të vogëlushit, komentuesit e kthejnë në një situatë gjithë humor.

“A e var dot? A ke nevojë për ndihmë hahah” i shkruan dikush.

“Hhahahah ma solli në majë të hundës.” shkruan abuzuesi diku.

Artikuj të ngjashëm

.