Do të gënjenim nëse do të thonim se është hera e parë që dëshmohen skena dhune ndaj fëmijëve në mes të rrugës.
Dje, një grua uli përtokë dhe nisi të qëllonte fort të birin në një rrugë në zonën e Don Bosko-s, ndërsa njerëzit kalojnë dhe e shikojnë pa reaguar.
Në fillim të videos së publikuar nga “Jeta osh qef” dëgjohet sesi djali qan nga goditjet e gruas, që me shumë gjasa është e ëma.
Edhe pse dhuna ndaj fëmijëve, qoftë fizike, ashtu edhe psikologjike, është e dënueshme nga kushtetuta e Shqipërisë, skena të tilla nuk janë të pakta nëpër rrugët e qyteteve. Megjithatë, përpos ndonjë videoje të publikuar në media, askush nuk reagon apo të denoncojë.