Metropolitan > Shkencë

Si të dalloni autizmin tek fëmijët, vetëm duke i parë sytë

Kështu mund edhe të kapërcehen sjelljet autiste.

Shkencëtarët thonë se mund të provojnë se mënyra se si një fëmijë e shikon botën është e ndikuar drejtpërdrejt dhe në mënyrë thelbësore nga gjenet e tij ose të saj - një zbulim që mund të ndiqet në botën autistike, sipas një studimi të botuar në Nature Wednesday. 

"Kjo nuk është një deklaratë metaforike: rezultatet tregojnë se genoma e një fëmije ndikon në mënyrën se si dhe kur lëviz syrin, drejtimin në të cilin lëviz sytë dhe objektin që shikon. Mënyra se si një fëmijë shkon botën është mënyra si ky fëmijë mëson rreth botës dhe studimi tregon se mënyra si sheh botën ndikohet thelbësisht nga gjenet e tij," tregon Warren Jones, autor i studimit dhe drejtor i hulumtimit në Qendrën Marcus Autism. 

Shkencëtarët studiuan gjithsej 338 fëmijë, të grupuar në bazë të ngjashmërive të tyre gjenetike (binjakët identikë, binjakët vëllazërorë, pa lidhje dhe ata të diagnostikuar me autizëm). Ata përdorën teknologjinë e ndjekjes së syve për të analizuar lëvizjen e syve të çdo fëmije, ndërkohë që ata shikonin video të skenave të zakonshme të përjetuara edhe në fëmijërinë e tyre (siç janë fëmijët në lojë apo figurën e nënës).

Shkencëtarët panë sytë dhe matën kohën dhe vendndodhjen për të parë se në ç’pjesë të kohës secili fëmijë shikonte në secilin rajon. Testet pasuese u zhvilluan 15 muaj më vonë për të konfirmuar ndikimin e vazhdueshëm gjenetik.

Tek 88 fëmijë të diagnostikuar me autizëm, shkencëtarët vunë re se kalonin më pak kohë duke parë fytyrat dhe më shumë kohë duke parë objektet. Jones tregon se shihnin objektet dy herë më shumë se fëmijët e tjerë dhe fytyrat 50% më pak se të tjerët.
 
Kjio nuk do të thotë se prindërit nuk mund të ndihmojnë fëmijët e tyre të kapërcejnë sjelljet autiste. "Ndërhyrja e hershme është çelësi", thotë Jones.

"Është e rëndësishme që prindërit të kuptojnë se lidhja e sjelljes së fëmijëve me gjenet nuk do të thotë që s’mund të ndryshohen. Gjente janë përbërësit, por nuk është një rezultat i paracaktuar, gjenet vazhdojnë të bashkëveprojnë me mjedisin dhe të mësuarit.”

Burimi: Axios

Artikuj të ngjashëm