Metropolitan > [email protected]

S’ju mban aroma e parfumit? Thjesht s’i keni ditur akoma këto truke

Kujdes ku i mbani parfumet
Nëse i lini në tualet pranë ujit, lagështira prish përbërjen. Po kështu nëse i mbani në vende të nzehta, përshembull në çantën tuaj gjatë verës, apo nëse i mbani pranë dritares. Ruajini në një vend të thatë, pa lagështirë dhe me temperaturë normale.
Përpara se të spruconi parfum, lyejini kyçet me vazelinë
Ky truk bën që parfumi “të ngjitet” dhe të qëndrojë më gjatë aty ku e spruconi.
Gjithashtu, mund të përdorni krem zbutës
Kremërat që përmbajnë vajra në përgjithësi e mbajnë aromën.
Hidhni parfum menjëherë pas dushit, para se të jeni veshur
Lagështira e trupit ndihmon që aroma të qëndrojë më gjatë.
Mos i fërkoni kyçet pasi të keni hedhur parfum
Parfumi ka disa nota, si të thuash shtresëzime aromash, të cilat largohen njëra pas tjetrës. Kur i fërkoni kyçet notat largohen më shpejt. Ky truk shërben vetëm kur provon parfume në dyqan, për të ndier më shpejt notën kryesore.
Hidhni parfum në kyçe dhe zonat më të ngrohta të trupit
Zgjidh disa zona (jo të gjitha njëherësh) që përfshijnë kyçet si edhe zonat më të ngrohta të trupit, ku qarkullon më shumë gjak. Nxehtësia përhap aromën përgjatë gjithë ditës.
Që t’ju mbajnë aromë të mirë edhe flokët, spruconi parfum tek furça
Parfumi drejtpërdrejt tek flokët ua dëmton ato, kështu që spruconi pak parfum tek furça me të cilën krihni flokët.

Artikuj të ngjashëm

. .