Si jetojmë > Shtepia VIP

Kim Kardashian-it ia kemi parë të gjitha, por shtëpinë akoma jo!

Kim është një nga yjet e ekranit për të cilën dimë pothuajse gjithçka ndodh me jetën e saj. Ajo kujdeset të na informojë për çdo gjë që i ndodh, kjo falë edhe “Keeping Up With The Kardashian”, reality show-it që prej kohësh i mban fansat të mbërthyer ndaj çdo të reje që ndodh në familjen Kardashian. Kur sjellim ndërmend jetën e saj luksoze, në një moment, të gjithë jemi bërë kureshtare për të parë se ku jeton seks simboli dhe familja e saj. 

Kim ju uron mirëseardhjen!

Dhe po të mendohemi mirë, ajo është treguar e rezervuar në lidhje me shtëpinë e saj. Sigurisht që askush nuk dyshon në magjinë e një shtëpie në të cilën vetëm znj. West ka luksin të jetojë, por gjithsesi kurioziteti nuk mungon.

Hidden Hills, Kaliforni

Privatësi të lutem! Shtëpia e Kim-it dhe Kanye-s ndodhet në “Hidden Hills”, Kaliforni. Një hapësirë gjigande e menduar mirë nga çifti që ata dhe fëmijët e tyre të jenë sa më larg syrit të paparacëve.

Shtëpia ka 8 oxhaqe!

Ndoshta prandaj janë të gjithë “hot” brenda saj.

Dhoma e ndenjies

Këtu familja kalon kohën e saj më cilësore. Imagjinojini, Kim Kanye dhe 2 vogëlushët të shtrirë në këto divanë që duken kaq të rehatshëm. S’mund të ishte më mirë se kaq.

Një tjetër ambient qendrimi

E ndërsa ky kënd i rehatshëm sigurisht që nuk mund t’i mungonte çiftit të yjeve.

Kuzhina

Keni uri? Do t’ju shtohet sapo të shihni kuzhinën e Kim-it. E kush s’do të donte ta kalonte gjithë ditën duke gatuar nëse do të kishte këtë kuzhinë? Edhe nëse Kim nuk është ndonjë amvisë e zonja, ky ambient ndihmon për gjithçka.

Dhoma e ngrënies

Bardhësi, finesë dhe shumë luks në një ambient të vetëm. Dhoma ku darkon familja West është thjesht një përrallë dhe askush s’mund ta mohojë këtë.

Dhoma e gjumit të Kim-it dhe Kanye-s

Pastaj, këtu ndodh magjia! Kim dhe Kanye, sigurisht që do të flenë rrethuar nga stili.

Spa-ja

Kur vjen momenti që ajo duhet të çlodhet, spa-ja është gjithçka që e shpëton. E ç’rëndësi ka nëse je tmerrësisht i lodhur, kur vjen në shtëpi dhe të pret një pamje e tillë! Ok Kim, shijoje!

Garderoba

Këtu çifti mban çdo veshje që ne ia shohim me aq admirim. Epo rrobat e saj nuk meritojnë të vendosen në asnjë vend tjetër që nuk është si ky.

Ambientet e banjës

Mos thamë gjë që në suitë ndodhen 2 tualete gjigande? Nëse nuk duan të jenë bashkë, secili shijon atë copëz parajse që vetëm një vaskë e ngrohtë mund të ta ofrojë. Kjo po që mund të quhet art në një banjë të vetme.

Pishina

Në familjen West ndodhen 2 pishina. Dhe janë kaq luksoze sa duken.

Vreshtat e familjes West

Në fakt, nuk e kishim menduar ndonjëherë se Kim mund të kishte ëndërruar që në kopshtin e saj të krijonte hapësira për vreshta!

Pamja prapa shtëpisë

Kjo është pamja që yllit 36-vjeçar i duhet të shohë çdo ditë! Çfarë mund të kërkosh më shumë?

Në fakt vetëm tani arrijmë ta kuptojmë pse Kim-it nuk ia kishim parë shtëpinë. Ajo e ka ditur mirë se sa mund të tronditemi të gjithë pas këtyre pamjeve, pa menduar pastaj për vlerën që kjo shtëpi ëndrrash mund të ketë.

 

Artikuj të ngjashëm