Si jetojmë > Arkitektura

Harrojeni Dubain: Kryeqyteti më i ri në botë tejkalon gjithçka keni parë (dhe imagjinuar!)

Projekti i qytetit që deri tani ka vlerën e 45 miliardë dollarëve.

Projekti i ekspozuar në Sharm El Sheikh
Photo Courtesy of CNN

Egjipti do të ketë një kryeqytet të ri, për të cilin është akorduar një shumë prej 45 miliardë dollarësh. 35 miliardë janë akorduar nga dy kompani kineze, dhe megaprojekti ndodhet tashmë në fazën e parë.

Plani për kryeqytetin e ri, ende pa një emër, u njoftua në mars të 2015-ës. Qeveria e ndërmorri këtë projekt si zgjidhje për popullsinë tepër të dendur, ndotjen e ambjentit dhe rritjen e kostos së jetesës në kryeqytetin aktual, Kairo.

"Qyteti i ri do të sigurojë më shumë vende për të jetuar, punuar dhe vizituar.", thuhet në faqen zyrtare të projektit në internet.

Modeli i qytetit të ri është ekspozuar tashmë në Sharm El Sheikh, dhe shfaq një arkitekturë shumë moderne, me një fushë të madhe lojërash sportive, ndërtesa tejet të larta të ndërthurura me ambjente plot gjelbërim.

Kryeqyteti do të zërë një hapësirë prej 700 kilometrash katrorë; po ndërtohet në shkretërirën që gjendej në lindje të Kairos. Është parashikuar të ketë vend për 5 milion banorë, mbi 1 milion xhami, fshatra me teknologji të lartë, zona industriale si edhe një qendër konferencash me 5,000 vende.

Ndërtuesit duan të hyjnë në Guiness: Ky qytet do të ketë parkun më të madh në botë.

Burimi: CNN

Artikuj të ngjashëm

. .